"Halo para kanca.....
Sugeng pepanggihan malih kalian Malka Merdeka, kanca-kanca! Dina iki, kita bakal bahas babagan struktur intrinsik crita wayang, ing ngendi saben tokoh nduweni crita lan makna sing unik. Nanging sadurunge kita miwiti, ayo padha ndunga bebarengan.
Sak sampunipun ndonga, ayo padha mirengake dawuhe pak guru !!!. Sak rampunge midangetane ngendikane pak guru. Ayo para kanca mbentuk kelompok hebat kanggo piwulangan babagan struktur intrinsik crita wayang.
Nah kepriye..... seru ta.....???
Sampean bisa belajar ngenai tokoh utawa paraga wayang.
Sak iki cuba simaken penjelasane pak guru mangeti babagan struktur crita wayang.
A. Pangerten Crita Wayang
Cerita wayang iku pertunjukan seni tradisional Indonesia sing nggunakake boneka utawa tokoh saka kulit, nggambarake crita-crita epik, mitologi, utawa moral sing biasane dijupuk saka epos kaya Mahabharata lan Ramayana. Cerita iki ngandhut nilai-nilai budaya, sosial, lan moral sing jero.
B. Struktur Intrinsik
1. Tema: Tema yaiku ide pokok utawa gagasan utama ing cerita. Ing cerita wayang, tema asring ngangkat konflik moral, perjuangan antara kebaikan lan kejahatan, lan nilai-nilai budaya Jawa.
2. Amanat: Amanat yaiku pesen utawa pitutur sing bisa dijupuk saka cerita. Saka wayang, kita bisa sinau bab pentingé kejujuran, kesetiaan, lan tanggung jawab. Contone, lewat karakter Kayang, kita sinau babagan sabar lan ngadhepi tantangan.
3. Plot: Plot utawa alur cerita nyritakake urutan kejadian. Ing wayang, umume ana telung bagian: Pengenalan: ngenalake tokoh lan latar. Konflik: munculé masalah sing kudu dipecahake. Pungkasan: penyelesaian konflik lan kadang-kadang menehi pelajaran.
4. Tokoh: Tokoh yaiku karakter ing cerita. Ing wayang, tokoh kaya Arjuna, Bima, lan Semar nduweni karakteristik unik. Arjuna simbol keberanian, Bima simbol kekuatan, lan Semar simbol kebijaksanaan.
5. Latar: Latar nyakup wektu, tempat, lan suasana. Latar ing wayang asring diatur ing zaman kerajaan, kayata zaman Mahabharata utawa Ramayana, lan panggonan kaya tegalan, kraton, utawa alas.
C. Struktur Ekstrinsik
1. Sosial Budaya
· Latar Belakang Masyarakat: Cerita wayang mencerminkan nilai-nilai dan norma-norma yang berlaku dalam masyarakat, termasuk hubungan antarkelompok dan sistem hierarki.
· Tradisi dan Adat: Pertunjukan wayang sering kali dilaksanakan dalam konteks ritual atau perayaan, yang menunjukkan keterkaitan dengan adat istiadat.
2. Sejarah
Konteks Sejarah: Cerita wayang sering diambil dari sejarah atau mitologi yang berpengaruh pada budaya lokal, memberikan wawasan tentang peristiwa atau tokoh yang signifikan.
3. Agama
Nilai-nilai Spiritual: Banyak cerita wayang yang mengandung ajaran agama, terutama dalam konteks Hindu-Buddha, yang mengajarkan tentang dharma (kewajiban) dan karma (perbuatan).
4. Pengaruh Sastra
Epos Klasik: Banyak cerita dalam wayang diambil dari epos seperti Mahabharata dan Ramayana, yang menjadi sumber inspirasi dan referensi.
5. Media dan Teknik Pertunjukan
Alat Musik dan Panggung**: Pertunjukan wayang menggunakan alat musik tradisional dan teknik tertentu yang mempengaruhi cara cerita disampaikan dan diterima oleh penonton.
6. Penonton
Interaksi dengan Penonton**: Respon dan partisipasi penonton dapat memengaruhi cara cerita disampaikan, baik dalam improvisasi maupun penambahan elemen-elemen baru.
Kanggo nambah panmumu babagan struktur crita wayang, Ayo, saiki padha nggarap analisis struktur intrinsik saka cerita wayang 'Gatotkaca Gugur'. Delengen unsur-unsur kaya tema, tokoh, alur, latar, lan pesan moral sing ana ing cerita kasebut. Tulisen analisismu kanthi cetha lan rinci.
---
GATHUTKACA GUGUR
Gambar : Karna kalawan Gathutkaca ing perang Baratayuda.
Sumber : http://wayangprabu1.rssing.com/
Raden Gatotkaca satriya ing Pringgondani tiniban sampur dadi Senopatining perang saka trah Pandhawa. Sak durunge manjing ing palagan, Raden Gatotkaca tumuli ngadep marang ibune kang aran Dewi Arimbi. Dewi Arimbi rumangsa seneng amarga putrane dadi senopatine Pandhawa. Raden Gatotkaca banjur njaluk pangestu marang ibune dimen samubarang gawe naliko ing paprangan tansah lancar kalis ing rubeda Nir ing sambikala.
|
Dewi Arimbi |
: “ngger putraku Gatotkaca, sing ati-ati ya ngger. Pangestune Ibu mbanyu mili, muga-muga kasembadan sedyamu ya ngger. Aja pegat prayitnamu. Nadyan sliramu gagah prakasa, sekti mandraguna prasasat tan tedas tapak paluning pande sisaning gurinda, nanging kudu tansah manembah mring Gusti. Kui kabeh kudu kok lakoni, ngger. Dimen anggunmu tumandang ing paprangan bisa kasil”. |
|
Gatotkaca |
: ”Inggih bu ngetokaken dawuh. Keparange ingkang putra nerasaken lampah tumuju Tegal Kurusetra” |
Kanthi tekad kang wus nyawiji, Raden Gatotkaca ing palagan dikanteni wadyabala kang akeh, kayata Brajawikalpa, Brajalamatan, lan Prababeksa. Kabeh padha lumaku kanthi bebarengan, rame-rame tumuju Tegal Kurusetra. Dene Raden Gatotkaca mabur menduwur ngambah dirgantara, prasasat mbelah mega. Tuhu satria sakti mandraguna otot kawat balung wesi kulit tembaga, sungsung genggolo, andriji gunting, adengkol paron. Bisa mabur tanpa elar, bisa meletik tanpa sothang. Raden Gatotkaca ugi ngagem kotang antoakusuma. Ngagem caping basunanda yen panas datang kepanasan, yen udan datang ke jawahan. Ngagem tesmak suryayanta, yen diwatek netral baskara kembar.
Akeh wadyabala kurawa sing wes mapakake para prajurit Pandhawa ing Tegal Kurusetra. Prajurit kang cacahe mangewu-ewu mau ana sing nunggang jaran lan ana uga kang pada mlaku. Kabeh prajurit pada nggawa obor, ndadekake Tegal Kurusetra koyok karang abang. Kahanane dadi padang jingglang, nanging hawa dadi panas sanggo nuwuhake rasa pangrasane para prajurit dadi siyaga ing gati, saweka ing dhiri.
Para prajurit Pandhawa miwiti nyerang barisan wadyabala Kurawa. Suara pedang, panah, candrasa, lan suarane prajurit kang pada tiwas ndadekake Tegal Kurusetra pindo babatan pacing. Wadyabala Kurawa akeh kang padha nemahi pralaya. Tegal Kurusetra prasasat banjir ludira, Adipati Karna kang dadi senopatine Kurawa, age-age menthang langkap jemparing. Mangewu-ewu panah melesat banter tumuju ing prajurit Pandhawa. Sak naliko prajurit Pandawa padha salang tunjang. Mangerteni para prajurit Pandawa padha salang tunjang, Raden Gatotkaca banjur ngamuk, ngobrak-abrik wadyabala Kurawa.
Raden Gatotkaca darahing Pandhawa banjur matek Aji Narantaka ditamakake Adipati Karna. Saka daya kekuatan Aji Narantaka jaran lan keretane Adipati Karna ajur mumur. Nanging, Adipati Karna bisa luput saka Aji Narantaka amerga bisa melumpat saka kereta sak durunge ketaman Aji Narantaka. Adipati Karna banjur ganti kereta waja. Saka njero kereta waja mau, Adipati Karna melesatake panah marang Gatotkaca kang mabur ing gegana. Nanging, mangewu-ewu panah mau ora bisa ngenani anggene Raden Gatotkaca.
Adipati Karna kang katon lantip ing panggraitane banjur ngeningaken cipta kanthi meneng sawetara. Eling-eling nalika semana, apese Raden Gatotkaca bakal tumekaning pati yen ketaman senjata kunta. Adipati Karna banjur nantang marang Gatotkaca.
|
Adipate Karna |
: “Gatotkaca, kowe aja ngisin-ngisini wong tuwa. Yen wani nyedhaka mrene. Aku ora bakal wedi marang kowe, Gatotkaca. Waspadakna apa kang tak gawa!” |
Raden Gatotkaca kaget lan eling senjata kunta katamakake, deweke bakal nemai pralaya. Mula daya-daya deweke mumbul ing akasa, saya dhuwur saya dhuwur dimen adoh saka senjata kunta. Lamunta wis mabur menduwur adoh saka senjata kunta, Raden Gatotkaca ketemu marang Ditya Kala Bendana sing ora liya pak dhene dewe. Eling-eling nalika semana patine Ditya Kala Bendana amerga Raden Gatotkaca. Mula wis teka Titi wancine, Ditya Kala Bendana bakal ngelunasi janji.
|
Kala bendana |
: “kulup Gatotkaca, aku wes suwe nunggu tekamu. Saiki, wes teka titi wancine, aku arep njaluk kulup Gatotkaca munggah ing suarga loka !”. |
Kala Bendana mangerteni senjata kunta kang kalepas saka Adipati Karna ora bisa munggah tekan ing akasa. Sak nalika, gamane Adipati Karna kang wujud senjata kunta kesamber dening Kala Bendana, banjur nekani Raden Gatotkaca.
|
Kala Bendana |
: “Kulup Gatotkaca, aku wes nyekel senjata kunta. Wis dadi kodrati Gusti kang murbeing dumadi, senjata kunta kang wis pisah saka warangkane bakal bali mlebu ing wrangkane kang manggon ing pusermu ngger!” |
|
Gatotkaca |
: “Paman Kala Bendana, kula ikhlas lilo lir legawa, pejah saking astanipun paman, wekasan kula saget minggah suaga loka sinarengan paman Kala Bendana. Awit saking menika paman, sumangga enggal katamaaken senjata kunta wonten ing puser kula!” |
Senjata Kunto banjur katamakake Kala Bendana, banjur mlebu ing pusere Raden Gatotkaca. “curiga banjur mlebu ing wrangka”. Getih kang metu saka anggane Raden Gatotkaca ndadekake mendhung ing akasa dadi abang mbranang. Ragane raden gatotkaca tumiba ing Tegal Kurusetra. Adipati Karno kang keprungu suara kaya bledek kang ngaampar-ampar, metu saka kereta nyawang kahanan kang wis klakon. Raden Gatotkaca nemahi palastra ing madyaning Tegal Kurusetra dadi satria utama.
*Tamat*
Para siswa bisa ndeleng crita video ing barkod iki
-------------------------------------------------------------------------------------------------------------------------------------
LEMBAR KERJA PESERTA DIDIK
|
Nama Kelompok |
:………………………………………………… |
|
Kelas |
:………………………………………………… |
|
Materi |
:………………………………………………… |
|
Nama Anggota Kelompok |
: ……………………………………………….. |
Sawise nyemak video utawa teks ‘Gatutkaca Gugur’,
gawea kelompok diskusi kang cacah anggotane 5-6 siswa! Tindakna diskusi kelompok lan diskusi kelas! Temtokna unsur-unsur intrinsik crita pewayangan nganggo tabel ing ngisor iki!
1. Tema: Sebutna lan jelasna tema utama saka cerita Gatotkaca gugur!
2. Tokoh: sebutna lan jelasna sifat lan peran tokoh kasebut ing cerita!
3. Plot: Gambarna alur cerita (plot) saka cerita Gatotkaca gugur!
4. Setting: Deskripsikna latar panggonan lan wektu saka cerita Gatotkaca gugur!
5. Amanat: Apa pesen moral utawa amanat sing bisa dijupuk saka cerita wayang kasebut? Jelasna!
*+*+*
murid iku, kudune sregep sinau.
akhlak tutur basa
iku dadi ciri wanti
sing mesti dadi wong mulya ana dunya
---
Semoga bermanfaat!
|
|
